Finprom.kz сайтының мәліметінше, Қазақстан 162 мемлекеттің ішінде адам бостандығы индексі бойынша 75 орынға жайғасқан.
Рейтинг адамның жеке және экономикалық бостандығы негізінде жасалған. Оған:
- Заң үстемдігі
- Қауіпсіздік
- Жүріп-тұру еркіндігі
- Діни сенім еркіндігі
- Азаматтық қоғам еркіндігі
- Ақпарат және сөз еркіндігі
- Жеке қарым-қатынас және тұлға еркіндігі
- Үкімет көлемі
- Жекеменшікті қорғау және заң жүйесінің сапасы
- Қаражатқа қол жеткізу мүмкіндігі
- Халықаралық сауда еркіндігі
- Еңбек, бизнес және несиені басқару сияқты 76 көрсеткіш кіреді.
Зерттеу нәтижесі бойыша, Қазақстандағы адамдардың жеке бостандық индексі – 6,85, экономикалық бостандығы – 7,12 баллға бағаланған. Адамның жеке бостандығы бойынша Қазақстан - 90, ал экономикалық бостандығы бойынша 73 орында.
ТМД елдері арасында Армения – 47, Қырғызстан – 70, Беларусь – 99, Ресей – 115 орында. Әлемдік рейтингті Жаңа Зеландия, Швецария, Гонконг бастап тұр.
Қазақстан, Ресей, Беларусь елдерінде соңғы бір жылда халықтық толқулар жиі болуда. Билік оларды полиция мен арнайы жасақты пайдалану арқылы күшпен таратуда.
