Қазақстандық бітімгерлер Голан биіктеріне аттанды. Бұл - стратегиялық және саяси маңызы бар Таяу Шығыстағы даулы аймақ. Оның көп бөлігін Израиль басып алған, ал шығыс бөлігі Сирияға тиесілі.
Мұнда 139 қазақстандық әскери қызметші тараптар арасында атысты тоқтату режимін қолдау жөніндегі міндетін орындайды. Бітімгерлердің арасында әйелдер мен қыздар да бар. Олардың көпшілігі медицина қызметкері мен психолог.
Қорғаныс министрлігінің мәліметінше, әскерилер кешенді бітімгерлік дайындықтан өткен және БҰҰ миссиясының мандаты шеңберінде жүктелген міндеттерді орындауға дайын.
Кеше 28 гвардияшы-панфиловшылар атындағы саябақта қазақстандық бітімгерлерді салтанатты түрде шығарып салуға арналған іс-шара өтті. Алаңға Қорғаныс министрлігінің басшылығы, әскери қызметшілердің туған-туыстары мен әріптестері жиналды.
Қорғаныс министрі генерал-полковник Руслан Жақсылықов қазақстандық бітімгерлердің БҰҰ миссияларына қатысу географиясы мен әртараптандырылуын кеңейту Президенттің нұсқауы бойынша жүзеге асырылып жатқанын атап өтті.
«Бұл - біз үшін үлкен мәртебе, өйткені қысқамерзім ішінде әскери-саяси жағдайдағы ерекше тапсырмаларды орындауға дайын, барлық халықаралық стандарт пен талапқа сәйкес келетін бітімгерлік контингентті дайындап, жарақтай алдық», – деп атап өтті ол.
Сондай-ақ, Руслан Жақсылықов контингент командирі подполковник Жігер Аиповқа ҚР Мемлекеттік Туын табыс етті. Мемлекеттік нышан Голан биіктіктеріндегі қазақстандық бітімгерлік базаның аумағына іледі.
Айта кетейік, қазіргі уақытта
- Батыс Сахарада – 6;
- Орталық Африка Республикасында - 2;
- Конго Демократиялық Республикасында - 2;
- Ливанда - 9 офицер БҰҰ-ның миссияларында қызмет етуде.
Фото: Қорғаныс министрлігінің баспасөз қызметі
Байланысты жаналықтар
MalimBlocks
