Қытай консулдығы алдындаға пикет: "Күйеуімді Қазақстан тыңшысы деп 13 жылға соттады"

Есдәулет Қызырбекұлы

  • 08.02.2021

Алматыдағы Қытай консулдығы алдында бірнеше әйел Қытайда қамауда отырған туыстарын босатуды талап етіп, қарсылық акциясына шықты.

Наразылық акциясына қатысушылардың бірі Нұржас Ермекбайқызының сөзінше, ағасы Бірлесбек Ермекбайұлын имам болғаны үшін қамауға алған. Қытайдағы саяси қудалауларға байланысты туған-туыстарын көрмегеніне бес жыл болған.

«Ағам Бірлесбек Ермекбайұлын имам болғаны үшін 12 жылға сотталды. Оны өздері оқытып, өздері имам ретінде сайлап отырып, 12 жылға соттады. Өзімнің туған-туысымды көрмегеніме бес жыл болды. Қытайдың геноцид саясаты басталғалы бері хабарласа алған жоқпын. Ағамды 2018 жылдың 10 айының соңында алып кетті деп естідім», - дейді Ермекбайқызы.

Фарида Қабылбек күйеуі Рақыжан Зейнолланың 17 жылдан бері Қытайда қамауда отырғанын айтады. Қытай билігі жұбайын 2004 жылы «Қазақстан тыңшысы» деп 13 жылға соттаған. Төрт бірдей немересі әлі күнге дейін атасын көрмеген.

«Күйеуімді (Рақыжан Зейнолланы – ред) 2004 жылы Қазақстанның шпоны деп 13 жылға соттады. 2017 жылы түрмеден шыққан бойда қайтадан 1 жыл 4 ай лагерьге жатқызды. Жалпы 17 жыл болды. Недеген масқара мынау. Недеген сұмдық. Сонда біз қазақ не істеп отырмыз? Балаларым 17 жылдан бері асыраушысынсыз өсіп жатыр. Қазір 4 немерем бар, атасын әлі көрген жоқ», - дейді Фарида Қабылбек.

Күзетшілер наразыларға конулдық бүгін жұмыс істемейтінін айтып, оларды ғимаратқа жақындатпады. Өзін қалалық әкімдік өкілімін деп таныстырған Рита Ерманова наразыларға бейбіт жиындарды рұқсатсыз өткізу заңсыз екенін ескертіп, акцияны тоқтату қажеттігін айтты. Бірақ акцияға қатысушылар ол талапты орындаудан бас тартты. Олар «Қытай геноцид саясатын тоқтатсын», «Туыстарымызды жібер» деп ұрандатып, «Қытай билігі туыстарымызды босатпайынша консулдық алдына наразылыққа шыға береміз» деді.

Байланысты жаналықтар

Қаңтар оқиғасы кезінде 1700 адам зардап шеккен

04.04.2022

Қазақстанда 16 мыңнан астам шетелдік азамат жұмыс істеуде

18.11.2021

Сұлтанов қанттың қымбаттауына Ресейді кінәлай ма?

23.06.2022

Бибісара Асаубаева атақты Карякинді жеңді   

27.01.2023

"Қызыл аймақтағы" Алматы: "70 науқасқа 1 дәрігер. Барлығы шаршаған"

13.04.2021

Қоғамдық бірлестіктер – мемлекеттің қозғаушы күші

19.07.2022
MalimBlocks
Қаңтар оқиғасы кезінде 1700 адам зардап шеккен

Соттың санкциясымен күдіктілер қамауға алынды

Қазақстанда 16 мыңнан астам шетелдік азамат жұмыс істеуде

2021 жылғы 1 қарашадағы жағдай бойынша 16 059 шетелдік азамат жергілікті атқарушы органдардың рұқсаты бойынша Қазақстан Республикасының аумағында еңбек етуде.

Сұлтанов қанттың қымбаттауына Ресейді кінәлай ма?

Қазақстан премьер-министрінің орынбасары әрі Сауда және интеграция министрі Бақыт Сұлтанов елдегі қант жетіспеушілігінің себебін түсіндірді.

Бибісара Асаубаева атақты Карякинді жеңді   

Қазір оның 2 739 ұпайы бар

"Қызыл аймақтағы" Алматы: "70 науқасқа 1 дәрігер. Барлығы шаршаған"

Қоғамдық бірлестіктер – мемлекеттің қозғаушы күші

Жастар ұйымдарының саны да жыл өткен сайын көбейіп келеді