Ресей Қазақстан арқылы микрочип тасып жатыр  

Ресейге құны 3,7 миллион доллар болатын микрочип сатқан

Malim Админ

  • 06.03.2023

Ресей санкцияны айналып өтіп, Еуропадан микрочиптер сатып алып жатқан болуы мүмкін. Azattyq.org  Еуропадағы жоғары лауазымды дипломаттарға сүйенген Bloomberg агенттігінің дерегін келтіреді.  Ресейдің сауда-саттық жасауына санкцияға қосылмаған Қазақстан, Түркия, Біріккен Араб Әмірліктері сияқты үшінші елдер қол ұшын созып  жатыр.

Bloomberg дереккөзіне сенсек, Еуроодақ пен «Үлкен жетілік» елдерінің санкциясына қарамастан, Ресейдің импорт көлемі соғысқа дейінгі кезеңге жақындап қалған. Ресейге Азия елдерінен, оның ішінде Қытайдан да импорт тауар көлемі артқан.

Женевада шоғырланған Сауда мәліметтеріне мониторинг жүргізу халықаралық агенттігінің дерегінше, Қазақстан 2022 жылы Ресейге құны 3,7 миллион доллар болатын микрочиптер мен жартылай өткізгіштер сатқан. 2021 жылы бұл көрсеткіш небәрі 12 мың доллар болған.

Соғыстан бұрын Ресейге Еуроодақ, АҚШ, Ұлыбритания және Жапониядан жыл сайын құны шамамен 163 млн доллар болатын электрон бөлшектер тасымалданған. 2022 жылы бұл көрсеткіш 60 млн долларға дейін азайған. Есесіне Ресей Қазақстан, Түркия, Сербия және БАӘ-ден электрониканы жиі тасымалдай бастаған. Аталған елдердің өздері электроника өндірмейді. 2022 жылы бұл елдер Ресейге санкция салған елдерден осындай тауар түрін көптеп сатып ала бастаған.

Бұған дейін «Еркін Ресей» қоры ресейлік кеден мәліметтерін талдап,    2022 жылы БАӘ-ден Ресейге электрон бөлшектер экспорты 7 есе ұлғайып, 238 млн долларға жетті деп мәлімдеген. Ал чиптер экспорты 15 есе артып, 24,3 млн долларды құраған.

Өткен аптада АҚШ, Еуроодақ және Ұлыбритания БАӘ-ні Ресейге қайта тауар экспорттауды тоқтатуға, әсіресе Украинамен соғысты жалғастыруға пайдаланылатын электрониканы бермеуге шақырған.

Фото: wroom.ru  

Байланысты жаналықтар

Қытайда Қазақстанның мәдени орталығы ашылады

27.02.2024

Екіжақты ынтымақтастықты дамытуға серпін беретін сапар

14.02.2024

Біз озық ойлы ұлт ретінде тек қана алға қарауымыз керек – Қасым-Жомарт Тоқаев

03.01.2024

Қазақстан жалпы ішкі өнім бойынша Орта Азия және ТМД елдері арасында көш бастады

26.12.2023

Путинге жаппай смс-хабарлама жіберіліп жатыр

05.12.2023

Грекия мен Қазақстан арасындағы матч қайда өтеді?

22.11.2023
MalimBlocks
Қытайда Қазақстанның мәдени орталығы ашылады

Орталық қызметінің негізгі бағыты музей және кітапхана ісі, музыка және кино өнері, тіл үйрету т.б. болады деп жоспарлануда

Екіжақты ынтымақтастықты дамытуға серпін беретін сапар

Келіссөз барысында ауыл шаруашылығы, көлік-логистика, туризм мәселелері талқыланды

Біз озық ойлы ұлт ретінде тек қана алға қарауымыз керек – Қасым-Жомарт Тоқаев

Халқымыздың бойындағы кемшілік­терге көз жұма қарамай, одан арылуы­мыз қажет

Қазақстан жалпы ішкі өнім бойынша Орта Азия және ТМД елдері арасында көш бастады

Путинге жаппай смс-хабарлама жіберіліп жатыр

Мобилизациямен соғысқа жіберілгендердің әйелдері Владимир Путинмен 14 желтоқсанға жоспарланған тікелей байланыс нөмеріне жаппай хабарлама жіберіп, туыстары қашан соғыстан оралатынын сұраған. 

Грекия мен Қазақстан арасындағы матч қайда өтеді?

Командалар Ұлттар лигасының плей-офф кезеңінің жартылай финалдық кезеңінде бәсекеге түседі