Президент Қасым-Жомарт Тоқаев барлық деңгейдегі мәслихаттардың өкілеттіктерін тоқтату туралы Жарлыққа қой қойды. Жаңа Жарлық бойынша, жетінші сайланған ҚР Парламентінің Мәжілісін таратылып, кезектен тыс сайлау мерзімі 19 наурызға бекітілді.
Астана қаласы мәслихатының депутаты болған Бақдәулет Жанділдаев бұлай болатынын бәріміз білдік дейді.
«Президенттің Жарлығы жақын арада шығатынын барлығымыз білдік. Ол өзінің Жолдауында депутаттар сайлауы 2023 жылдың бірінші жартысында өтетінін атап өткен болатын. Алдағы сайлау қызықты әрі тартысты өтпек. Сайлауға тіркелген 7 партияның өкілдері ғана емес, қоғам белсенділері де қатыса алады. Олардың сайлауалды бағдарламалары мен азаматтардың мәселелерін шешу бойынша кім қандай ұсыныс білдіргені ескерілетін болады», – дейді ол.
Жанділдаев тартысты өтетін сайлауда депутат болып халықтың жағдайын түсінетін адамдар тағайындалуы керек деп есептейді. Және сайлаудан кейін жаңа өзгерістер болады деп күтеді екен.
«Депутаттыққа бірінші кезекте халықтың жан айқайын билік өкілдеріне, атқарушы органдарға жеткізіп, соны шешу жолында еңбек ететін адам қажет. Алдағы сайлаудан кейін елімізде біраз өзгерістер енетіні сөзсіз. Халықтың арасында белсенділік танытып жүрген, бірақ ешбір партияның құрамына енбеген қоғам өкілдері мажоритарлық сайлау жүйесінің арқасында сайлаудан өте алады деп ойлаймын», – дейді экс-депутат.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
