Самат Әбіш шартты жазасын қалай өтейді – Министр жауабы
Ержан Сәденов оның тұрғылықты жерінде болуы керек екенін айтты.
Бұған дейін ҰҚК басшынысының бұрынғы бірінші орынбасары Самат Әбіштің шартты түрде 8 жылға бас бостандығынан айырылғаны хабарланды. Мәжіліс кулуарында Ішкі істер министрі Ержан Сәденов Самат Әбіштің Қазақстан аумағында, өзінің тұрғылықты жерінде болуы міндетті екенін айтты.
Самат Әбіш тұрғылықты жерінде, пробациялық бақылауда болады. Осының бәрі үкімде көрсетілген. Ол елден шықпайды. Тұрғылықты жерінде болуы керек, - деді Ержан Сәденов.
Самат Әбішке "Қаңтар оқиғасы кезінде билігін және қызметтік өкілеттігін асыра пайдаланды" деген айып тағылған еді. 2024 жылдың 15 қаңтарында қылмыстық іс бойынша тергеу аяқталып, іс сотқа жіберілген. Ол 26 ақпан күні жабық соттың шешімімен 8 жылға шартты түрде сотталған.
Сондай-ақ, оқыңыз: Талдықорғанда адамдарды азаптаған 4 экс-полицей сотталды
ФОТО: ИНТЕРНЕТТЕН
