Сирия бойынша келіссөздер Нұр-Сұлтанда жалғасады
Сирия бойынша Астана процесінің 19-шы кездесуі 2022 жылдың екінші жартысында Нұр-Сұлтан қаласында өтеді. Бұл туралы бүгін елордаға келген Иран, Ресей және Түркия өкілдері бірлесіп мәлімдеді.
«Біз Астана форматындағы бақылаушылар ретінде Иордания, Ирак және Ливан делегацияларының, сондай-ақ БҰҰ мен ХҚКК өкілдерінің қатысуына қанағаттанамыз. Нұр-Сұлтанда Астана форматында Сирия бойынша 18-ші халықаралық кездесуді өткізгені үшін Қазақстан билігіне шынайы алғыс білдіреміз. Сирия бойынша Астана форматындағы 19-шы халықаралық кездесуді осы жылдың екінші жартысында Нұр-Сұлтанда өткізуге келістік», - делінген мәлімдемеде.
Қорытынды құжатта кепілгер елдер Астана форматында министрлердің келесі кездесуін ұйымдастыру ниеттерін растады. Бұдан бөлек, Түркия, Ресей мен Иран арасындағы үшжақты саммит Тегеранда өтетін болды.
MalimBlocks
