Бүгін өткен төменгі палата отырысында депутат Айдос Сарымның басқа комитетке ауысу мәселесі қаралды. Сарым Әлеуметтік-мәдени даму комитетінен Халықаралық қатынастар, қорғаныс және қауіпсіздік комитетіне ауысуға өтініш білдірді. Өзге депутаттар оның өтінішін бірауыздан қолдады. Осы кезде мәжіліс төрағасы Ерлан Қошанов: "Әлеуметтік комитет мүшелері өтінішті қолдаймыз деп жатыр. Кеткеніне қуанып жатырсыздар-ау деймін", - деп әзілдеді. Депутаттардың бәрі ду күлді.
Осыдан кейін Қошанов әріптестеріне ескерту жасап, комитет ауысу мәселесін доғару керек екенін жеткізді.
"Әріптестер, осымен бір комитеттен келесі комитетке ауысуды тоқтатайық. Солай ма? Осы Айдос Сарыммен тоқтайық. Су шығып жатса, айтарсыздар енді", - деп төраға Қошанов депутаттарды тағы да бір күлдірді.
Ақыры бүгінгі отырыста депутат Айдос Сарымның Әлеуметтік-мәдени даму комитетінен Халықаралық істер, қорғаныс және қауіпсіздік комитетіне ауысу туралы өтініші қанағаттандырылды.
Байланысты жаналықтар
MalimBlocks
Дело Данебаева: адвокаты заявили отвод судье
Адвокаты подсудимого Тимура Данебаева, обвиняемого в разжигании межнациональной розни, заявили отвод судье Алматинского районного суда № 2 Гульжахан Убашевой. Данебаев известен тем, что в прошлом году подавал заявление в полицию на Касым-Жомарта Токаева. Он посчитал, что президент, заявив о нападении на Алматы «20 тысяч террористов», распространил недостоверную информацию.
Қамаудағы журналист Думан Мұхаммедкәрімге жаңа айып тағылды
25 тәулікке қамалған тәуелсіз журналист Думан Мұхаммедкәрімге жаңа айып тағылды. Адвокат Ғалым Нұрпейісовтің сөзінше, журналиске ҚР ҚК 258-бабы «террористiк немесе экстремистiк әрекетті қаржыландыру және терроризмге не экстремизмге өзге де дем берушілік» бойынша айып тағылған»,- деп хабарлайды Адам құқықтары мен заңдылықты сақтау жөніндегі халықаралық бюросы.