Тағы бір шенеунік шекарадан қашып өтпекші болды

Қылмыстық құқықты бұзды деп айыпталған Батыс Қазақстан облысының мемлекеттік сәулет-құрылыс бақылауының басшысы Мәди Отарбаев Қазақстан шекарасынан өтіп кетуге тырысты. Бұл жөнінде сот материалдарында айтылды.     

Отарбаевқа ҚР Қылмыстық кодекстің  «ауыр зардапқа әкеп соққан лауазымдық өкілеттіктерді теріс пайдалану» бабы  бойынша айып тағылды. Биыл мамырдан бастап қылмыстық қудалау органы шенеунікті елден кетпеуге міндеттеген.  3 тамызда түн ортасында болған оқиғадан кейін сот оған бұлтартпау шарасын қамауда ұстауға өзгертті. 

«М.Ж. Отарбаев өзіне қатысты сайланған бұлтартпау шарасын бұзып, соттан жасырынуға тырысты (сотқа 03.08.2023 жылғы ШҚО бойынша "Қордай" шекара бекеті арқылы Қырғыз Республикасына шекараны кесіп өту әрекетінің жолын кесу туралы М.Ж. Отарбаевтың баянаты 03.08.2023 жылғы сағат 00:57-де берілді). Ол 7 жылға дейін бас бостандығынан айыру көзделген ауыр қылмыстар санатына жататын қылмыс жасады деп айыпталды. Сот прокурордың сотталушы М.Ж. Отарбаев сотта істі қарауға не кедергі болатынын жасыруы мүмкін, осыған байланысты оған қатысты сайланған бұлтартпау шарасы неғұрлым қатаңдыққа өзгертуге жатады деген пікірімен келіседі», - делінген сот қаулысында. 

Мәди Отарбаевтың өзі және қорғаушысы бұлтартпау шарасын бұрынғы күйінде қалдыруды сұрады. Сотталушы отбасылық және денсаулық жағдайы бойынша Бішкекте тексеруден өткісі келгенін, басқа ниеті болмағанын айтып сендірді. БҚО әкімдігі сайтының мәліметінше, 55 жастағы Мәди Отарбаев әлі де  басшы лауазымында отыр.