Трамп құдасына рақымшылық жасады

Елнұр Бақытқызы

  • 24.12.2020

Дональд Трамп президенттігінің соңғы күндерінде 26 адамға рақымшылық жариялады. Олардың арасында Ресейдің АҚШ-тағы сайлауға араласу ісі бойынша сотталған Пол Манафорт пен Роджер Стоун да бар. Сондай-ақ Трамп өзінің күйеубаласы һәм кеңесшісі Джаред Кушнердің әкесі Чарльз Кушнерге де рақымшылық жасады.

Трамптың бұрынғы сайлауалды штабының басшысы Манафорт түрмеде екі жыл отырды.

"Манафорт мырза екі жыл түрмеде отырды, белгілі бір мерзімде жалғыз адамдық камерада да отырды. Кейбір кәнігі қылмыскерлер де мұндай жағдайда отырмайды. Прокурордың сорақы араласуынан Манафорт мырза әділетсіздікке ұшырады және американдық тарихтағы ең үлкен "мыстан аулаудың" құрбанына айналды", - делінген Ақ үйдің хабарламасында.

Манафор Трамптың сайлауалды штабын 2016 жылы басқарған. 2019 жылдың наурызында сот оны арнайы прокурор Мюллердің тергеуі нәтижесінде ашылған іс бойынша жеті жылға соттады. Манафорт банк есепшоттарын жасыру, салықтан жалтару, жалған куәлік беру, куәгерлерге қысым көрсету және заңсыз лоббилау үшін кінәлі деп танылды.

Түрмеде екі жыл отырған Манафортты пандемияға байланысты көктемде үйқамаққа ауыстырған.

Бұрынғы кеңесші Роджерс Стоун да, Ақ үй хабарлауынша,  "әділетсіздік көрді". Ол да дәл осы Ресейдің АҚШ-тағы сайлауға араласуы  іс бойынша жауапқа тартылған. Ақ үй хабарламасына  қарағанда, Стоун "алқабилер сотында әділетсіздікке тап болған".  "Стоунды кешіру Мюллердің тергеуі кезінде ол көрген әділетсіздіктерді түзеуге көмектеседі", - делінген хабарламада.

2019 жылдың қаңтарында ұсталған Стоун ақпанда 3,3 жылға сотталды. Ол 14 шілдеден бастап түрмеге отыруы керек еді. Алайда Трамп арнайы жарлық шығарып, оны түрме жазасынан құтқарып қалды.

Трамп кешіргендердің арасында оның құдасы Чарльз Кушнер де бар. Ол Трамптың қызы Иванка Трамптың күйеуі – Джаред Кушнердің әкесі. Джаред Кушнер сондай-ақ Трамптың кеңесшісі. Оны 2004 жылы сайлауалды науқанында заңсыз жарна аударды, салық төлеуден жалтарды және куәгерлерге қысым көрсетті, барлығы 16 тармақ бойынша соттаған болатын. Ол түрмеде небәрі 14 ай отырды. Ол 2006 жылы түрмеден шыққан, енді Трамп толығымен ақтап кешірім жариялады.

The New York Times Трамп құдасына рақымшылық жасайтыны бұрыннан күтілген оқиға, өйткені оның сотталуы отбасындағы  өкінішті оқиғаға айналған деп жазады. 66 жастағы Чарльз Кушнер өзіне тағылған айыпты мойындаған. Қызығы, Чарльз Кушнерге оның күйеубаласы куәлік берген. Ол Чарльз Кушнердің қызымен бірге Кушнердің сайлауалды науқанын қаржыландыру бойынша тергеумен әріптестік орнатқан.

Ал 23 желоқсан күні Трамп 15 адамға рақымшылық жасаған. Олардың арасында Трамптың сайлауалды штабының бұрынғы қызметкері Джордж Пападопулос, Альфа банк иелерінің бірі Герман Ханның күйеубаласы, Нидерланды заңгері Алекс ван дер Цван бар.

 

Байланысты жаналықтар

Трамп АҚШ-та төтенше жағдай жариялады

03.04.2025

Трамп «АҚШ тарихындағы шындықты қалпына келтіру» жарлығына қол қойды

28.03.2025

Трамп америкалық мұсылмандарға ауызашар берді

28.03.2025

Трамп сайлаушылар туралы жарлық шығарды

26.03.2025

Трамп Колорадодағы Капитолийде ілінген портретін сынап тастады

24.03.2025

83 жылда алғаш рет «Америка дауысы» хабар таратуын тоқтатты

16.03.2025
MalimBlocks
Трамп АҚШ-та төтенше жағдай жариялады

АҚШ президенті Дональд Трамп елдегі сауда балансының тапшылығы ұлттық қауіпсіздікке қауіп төндіретіндіктен, төтенше жағдай енгізілгенін мәлімдеді

Трамп «АҚШ тарихындағы шындықты қалпына келтіру» жарлығына қол қойды

Трамп америкалық мұсылмандарға ауызашар берді

АҚШ президенті Дональд Трамп Ақ үйде ауызашар беріп, мұсылмандар алдында сөз сөйледі

Трамп сайлаушылар туралы жарлық шығарды

Бұған дейін ол елдегі сайлау жүйесінің кемшіліктерін бірнеше рет сынға алған

Трамп Колорадодағы Капитолийде ілінген портретін сынап тастады

АҚШ президенті Дональд Трамп Колорадо штаты Капитолийінде ілінген өзінің портретін сынап тастады

83 жылда алғаш рет «Америка дауысы» хабар таратуын тоқтатты