Түрікменстан президенті Сердар Бердімұхамедов Астанаға келді
Ол Орталық Азия мемлекеттері басшыларының VI консультативтік кездесуіне қатысады
Түрікменстан президенті Сердар Бердімұхамедов Орталық Азия мемлекеттері басшыларының VI консультативтік кездесуіне қатысады. Түрікменстан басшысын премьер-министр Олжас Бектенов қарсы алды.
Қазақстан мен Түрікменстан өзара іс-қимылдың барлық спектрі бойынша сауда-экономикалық ынтымақтастықты белсенді түрде кеңейтіп жатыр. Мәселен, 5 жыл ішінде екі ел арасындағы өзара сауда көлемі 4 есеге өсіп, тек соңғы жылдың өзінде 28 пайызға артты. Биыл 6 айда тауар айналымы $237,2 миллионға жетті.
Бүгінде ынтымақтастықты арттырудың перспективалы бағыттары – газ және транзиттік-көлік салалары. Онда автожолдарды реконструкциялау және салу бойынша бірқатар ірі жобалар іске асырылуда. Оның ішінде ұзындығы 225 шақырым болатын «Қазақстан шекарасы – Гарабогаз – Түрікменбашы» жаңа автожолының және Гарабогазгол шығанағы арқылы өтетін жаңа көпірдің құрылысы бар. Ұзындығы 165 шақырым «Жаңаөзен – Түрікменстан шекарасы» учаскесін реконструкциялау жобасы пысықталып жатыр.
Фото: Үкіметтің баспасөз қызметі
Байланысты жаналықтар
MalimBlocks
