Үкімет Екібастұз ЖЭО-ны жаңғыртуға резервтен 3,4 млрд теңге бөледі

Жылу көздерін жаңғырту және жылу беру маусымына дайындық жұмыстары Үкіметтің бақылауында.

Malim Админ

  • 05.06.2024

Премьер-министр Олжас Бектенов Екібастұз ЖЭО-ны одан әрі жаңғыртуға Үкімет резервінен қаражат бөлу туралы қаулыға қол қойды, деп хабарлайды Malim.kz.

Үкімет баспасөз қызметінің мәліметінше, бұл жұмыс Мемлекет басшысының республикадағы ТКШ инфрақұрылымын кешенді қалпына келтіру жөніндегі тапсырмасын орындау шеңберінде атқарылып жатыр.

Екібастұз ЖЭО-ның төрт (11-15) қазандық агрегатын (2,4 млрд) күрделі жөндеуге және сол жерде тұндырылған су магистралін (988 млн) салу үшін Павлодар облысының бюджетіне 3,4 млрд теңге сомасындағы қаражат аударылады.

Бұл шаралар жылу көзінің үздіксіз жұмыс істеуіне, төтенше жағдайлар туындау қаупін азайтуға, тұрғындарды тұрақты жылумен қамтамасыз етуге мүмкіндік беріп, Екібастұз қаласының әрі қарай әлеуметтік-экономикалық дамуына серпін береді. 

Бүгінде Екібастұз ЖЭО – қаланы орталықтандырылған жылумен қамтамасыз ететін бірден-бір нысан. Өткен жылы Үкімет резервіндегі қаражат есебінен 5 су жылыту қазандығы мен жылу желілеріне күрделі жөндеу жұмыстары жүргізіліп, жылыту маусымы еш іркіліссіз өтті.

Премьер-министр Олжас Бектенов биыл наурыз айында Павлодар облысына жұмыс сапары барысында Павлодар, Екібастұз және Ақсу қалаларының инженерлік инфрақұрылымын жаңғыртуды жалғастыру қажеттігін айтқан болатын.

Атап айтқанда, Екібастұз ЖЭО-да күлден гидравликалық тазартуға арналған тұндырылған су беру жүйесі 1986 жылы орнатылды. Оның құрамына кіретін құбырлар тозды, бұл тұтынушыларға жылу беруді шектеуі мүмкін. Осыған байланысты тұндырылған судың жаңа магистралін салу басым міндеттердің бірі болып отыр.

Естеріңізге сала кетейік, бұған дейін Үкімет резервінен Кентау, Риддер және Қызылорда қалаларының жылу көздерін жаңғыртуға 16 млрд теңге, Риддер жылу желілерін күрделі жөндеуге 2,4 млрд теңгеден астам және Көкшетау қазандықтарын жөндеуге 816 млн теңге бөлінген болатын.

Жалпы, биыл Астана, Алматы, Шымкент, Атырау, Өскемен, Қарағанды, Ақтау, Тараз, Петропавл, Жезқазған, Ақтөбе, Степногорск, Рудный, Балқаш және басқа да қалаларда энергия блоктарын, қазандықтар мен турбиналарды жөндеу жоспарланып отыр. 

Жылу көздерін жаңғырту және жылу беру маусымына дайындық жұмыстары Үкіметтің бақылауында.

Фото: дереккөз

Байланысты жаналықтар

Премьер-министр: Үкімет Президенттің экономика өсімі бойынша қойған міндетіне жету үшін бар күш-жігерін салады

22.06.2024

Елімізде жалға берілетін тұрғын үй құрылысына қосымша 222 млрд теңге бөлінді

21.06.2024

Үкімет аппаратының штаты кеңейтілді

19.06.2024

Олжас Бектенов байланыс операторларының тарифтердің негізсіз өсуіне жол бермеуін қадағалауды тапсырды

18.06.2024

Түркістан облысында шегіртке 271,5 мың га аумаққа тараған

16.06.2024

Олжас Бектенов Жамбыл облысында су үнемдеу технологиясын енгізуді тексерді

14.06.2024
MalimBlocks
Премьер-министр: Үкімет Президенттің экономика өсімі бойынша қойған міндетіне жету үшін бар күш-жігерін салады

Экономиканың негізгі нүктелері ретінде құрылыс, инфрақұрылым, өңдеу және АӨК-ке көңіл бөледі

Елімізде жалға берілетін тұрғын үй құрылысына қосымша 222 млрд теңге бөлінді

Бүгінгі таңда 8% деңгейінде өсудің оң көрсеткіштері құрылыс, көлік және байланыс салаларынан көрінді.

Үкімет аппаратының штаты кеңейтілді

Қаулы 2024 жылғы 14 маусымнан бастап қолданысқа енгізілді.

Олжас Бектенов байланыс операторларының тарифтердің негізсіз өсуіне жол бермеуін қадағалауды тапсырды

Республика бойынша 20 қалада 1 144 5G базалық стаса орнатылған. Астана, Алматы, Шымкент қалаларында және облыс орталықтарында 5G-ді дамыту бойынша жұмыстарды жалғасады.

Түркістан облысында шегіртке 271,5 мың га аумаққа тараған

Бірқатар өңірде шегрткеден қорғану шаралары аяқталды

Олжас Бектенов Жамбыл облысында су үнемдеу технологиясын енгізуді тексерді

Бүгінгі күні су нысанында бөгеттің сейсмикалық тұрақтылығын арттыра отырып, реконструкциялау жөніндегі жобаның екінші кезегі іске асырылуда.