Фото: 161.ru
Ресей Қорғаныс министрлігі бейсенбіге қараған түні Ресейдің жеті облысында 84 украиналық дрон аппаратының атып түсірілгенін мәлімдеді, деп хабарлады ВВС агенттігі.
Министрліктің қысқаша хабарламасына сәйкес, 36 дрон Ростов облысында, тағы 21 дрон Брянск облысында, қалғандары Белгород, Воронеж, Курск, Тамбов облыстарында және Краснодар аймағында атып түсірілген.
Министрлік атып түсірілмеген дрондардың саны туралы мәлімет бермеді. Ресей тарапының айтуынша, Ростов облысында украиналық дрондар Новошахтинск мұнай өңдеу зауытын сәтті атқылап, үлкен өрт шыққан.
Ростов облысының уақытша губернаторы Юрий Слюсарь таңертең ерте жазған хабарламада Ростов облысына тек дрондар емес, үш зымыран да соққы жасағанын айтты. Ресей Қорғаныс министрлігі зымырандар туралы әзірге ештеңе айтқан жоқ.
Соғыс жағдайында соғысушы тараптардың мәлімдемелерін дереу тексеру мүмкіндігіне ие емес.
