Ұсталған шенеунік: Ноғаевпен сыйыспадым

Malim Админ

  • 22.09.2020

10 қыркүйек күні жемқорлық бойынша айыпталып, қамауға алынған Атырау облысы әкімінің бұрынғы бірінші орынбасары Нұрлан Таубаев өзінің айыпталуына байланысты түсінік берді. Таубаевтың түсініктемесін оның адвокаты Игорь Вранчев фейбук парақшасында жариялады.

Жазбасында Таубаев өзінің қалай ұсталғанын жазады. Оның айтуынша, тергеушілер оған ештеңе түсіндірместен алып кеткен. Ұзақ уақыт Атырау қаласында басшылық қызметтерде болғанын айтқан Нұрлан Бақтыбайұлы Атырау қаласы әкімінің орынбасары кезінде атқарған жұмыстарын жазған. Қаланы гүлдендіруге, газдандыруға сіңірген еңбектерін айтқан Таубаев сол кездегі облыс әкімі Нұрлан Ноғаев өзіне орынбасар ретінде шақырып, негізгі бағыттарға жетекшілік етуді тапсырғанын жазған.

«Менің тәжірибемді көрген Атырау облысының бұрынғы әкімі Н. Ноғаев мені орынбасарлыққа шақырып, негізгі бағыттардың бәрін басқаруға берді.

Түркістан қаласындағы музейдің құрлысына, Арыс қаласындағы қираған үйлерді қайта жөндеуде жасаған жұмыстарды айтпай кете алмаймын. Сол жұмысым үшін Қазақстан президенті Қасым-Жомарт Тоқаевтың, премьер-министрдің, Түркістан облысы әкімінің алғысын алдым.

Н. Ноғаевпен ары қарай жұмыс істесе алмадым. Өйткені негізгі позицияларда онымен келіспейтін тұстарым болды. Ол туралы келесі постта айтамын.

Ноғаевпен түсінісе алмағанымның ақырында 2019 жылы қыркүйекте отставкаға кетуге арыз жаздым. Ал 2020 жылдың мамырында Атырау облысы әкімінің бірінші орынбасары қызметіне шақырылдым.

Пандемия өршіп жатқан кезде ешкімге оңай болған жоқ. Облыстағы негізгі ауруханалардың бас дәрігерлері жиі ауысты. Дәрі-дәрмектер алынды. Соңғы дерек бойынша 700-ден астам медқызметкер коронавируспен ауырған. Тез арада денсаулық сақтау жүйесінде кадрлық өзгерістер жасауға тура келді. Ал облыстың денсаулық сақтау жағдайы неге ондай күйге түскенін әкімшіліктен емес, тиісті органдардан сұрау керек», - деп жазған Таубаев.

Ол әділдікке жету үшін тоқтамайтынын айтады. «Бұл істің артында кім тұрғанын да білемін. Өзімнің кінәсіздігімді дәлелдеймін. Тіпті, президентке дейін барамын» деп сөзін аяқтайды.

Атырау облысының әкімі болған Нұрлан Ноғаев 2019 жылдың желтоқсанында Қазақстанның энергетика министрі болып тағайындалған еді.

Байланысты жаналықтар

120 миллион теңге жымқырды деген Шалабеков бостандыққа шықты

15.06.2021

Баталовтың шенділері шетінен ұсталып жатыр

21.07.2021

Атыраудың да әкімі ауысты

07.04.2022

Жамаубаев жемқорлық туралы: «Біз бірінші орында тұрамыз!»

21.09.2022

Жоғары сот судьясы ұсталды

11.02.2021

«Зекет» қорының экс-басшысына іздеу жарияланды

26.04.2022
MalimBlocks
120 миллион теңге жымқырды деген Шалабеков бостандыққа шықты

Қарағанды әкімінің бұрынғы орынбасары Жақсылық Шалабеков 120 миллион теңге көлемінде бюджет қаражатын жымқырды деп айыпталған болатын.

Баталовтың шенділері шетінен ұсталып жатыр

Атыраудың да әкімі ауысты

Атырау облысының әкімі Махамбет Досмұхамбетов қызметінен босатылды. Бұл туралы Ақорда хабарлады.

Жамаубаев жемқорлық туралы: «Біз бірінші орында тұрамыз!»

Жоғары сот судьясы ұсталды

«Зекет» қорының экс-басшысына іздеу жарияланды

Бір топ адамдармен бірігіп бюджет қаражатын қалтаға басқан