Жанболат Мамай алты жылға шартты жазаға кесілді
Жанболат Мамай алты жылға шартты жазаға кесілді. Сонымен қатар, оған 400 мың теңгеден астам айыппұл салынып, тұрғылықты жерінен шығуға бірқатар шектеу қойылды. Судья Елена Кван Демократиялық партия жетекшісіне осындай үкім шығарды.
Үкім әлі заңды күшіне енген жоқ. Жанболат Мамайдың өзі сот үкімімен толық келіспейтінін айтты.
«Менің кінәсіздігімді бұлтартпас айғақтармен дәлелдер келтірдік. Сотта ондаған куәгер менің тәртіпсіздікке шақырмағанымды толық растады. Сіз бұған қарамастан, осындай үкім шығарып отырсыз. Бұл үкімнің саяси астары бар. Мұндай үкіммен келіспеймін» - деді Мамай судьяға.
Айта кетейік, Жанболат Мамай былтыр ақпанда Қаңтар құрбандарын еске алу жиынына қатысқаны үшін ұсталған. Оған «жалған ақпарат тарату» және «билік өкілін қорлау» баптары бойынша айып тағылған. Кейіннен Қаңтар оқиғасында «жаппай тәртіпсіздік ұйымдастырды» деген тағы бір айып қосылған.
Самое читаемое
