Польша НАТО одақтастарына қосымша әуе шабуылына қарсы қорғаныс жүйелерін және ұшқышсыз аппараттарға қарсы технология беруді өтінді, деп хабарлайды Malim.kz Bloomberg-ке сілтеме жасап.
Агенттіктің мәліметінше, ресейлік дрондар Польша әуе кеңістігін бұзғаннан кейін Варшава серіктестерімен кеңес өткізген.
«Чехия, Ұлыбритания, Франция, Германия, Италия, Финляндия және Балтық елдері – барлығы қолдау көрсетуге дайын екенін білдіріп, нақты мәлімдемелер жасады», – деді келіссөздерден кейін Польша қорғаныс министрі Владислав Косиняк-Камыш.
Нидерланд билігі 2025 жылдың соңында Польшаға екі Patriot әуе қорғаныс жүйесін, дрондарға қарсы құралдар беріп, 300 әскер жіберетінін жариялады.
Чехия үш Ми-171Ш тікұшағын бөлуді уәде етті.
Праганың айтуынша, олар «поляк әскеріне төмен биіктікте ұшатын дрондардан елді қорғауға көмектеседі».
Фото: Rafal Niedzielski/AP Photo/picture alliance
