Қазақстан Президенті Қасым-Жомарт Тоқаев пен Израиль Президенті Ицхак Герцог арасындағы келіссөздер екі ел делегацияларының қатысуымен кеңейтілген құрамда жалғасты, деп хабарлайды Malim.kz.
Тоқаев екі ел арасындағы қарым-қатынастар Қазақстан тәуелсіздік алған алғашқы жылдардан бері дамып келе жатқанын атап өтті.
Оның айтуынша, ынтымақтастық саяси, экономикалық және инвестициялық салаларды қамтиды.
Сондай-ақ ол Авраам келісімдері маңыздылығына тоқталды.
«Біз Авраам келісімдеріне ресми түрде қосылу рәсімі жақын болашақта Астанада өтуі мүмкін деп санаймыз», — деді Тоқаев.
Ицхак Герцог өз кезегінде екі ел арасындағы ынтымақтастық әлеуетінің артып келе жатқанын мәлімдеді.
«Тауар айналымы мен іскерлік байланыстарды екі, тіпті үш есеге дейін арттыруға мүмкіндік бар», — деді ол.
Израиль Президенті қарым-қатынасты дамыту бойынша нақты қадамдарға да тоқталды.
«Біз тікелей әуе рейстерін іске қосуға мүдделіміз», — деп атап өтті Герцог.
Сонымен қатар, ол қосарланған салық салуды болдырмау туралы құжатты қоса алғанда, бірқатар келісімдер дайындалып жатқанын жеткізді.
