Бүгінде еліміздегі барлық білім беру ұйымында 600 мыңдай педагог еңбек етіп келеді, деп хабарлайды Malim.kz.
Оның ішінде 399 247 педагог мектептерде, 41 155 педагог техникалық және кәсіптік білім беру ұйымдарында сабақ береді. Мектепке дейінгі мекемелерде 100 566 тәрбиеші жұмыс істейді.
Олардың арасында 8408 ұстаздың еңбек өтілі 20 жылдан, 5 мыңнан астамының еңбек өтілі 30 жылдан асқан.
Мектептерде қызмет ететін мұғалімдердің 75 мыңнан астамы ғана ер адам.
Айта кетейік, Қазақстанда Мұғалімдер күні қазан айының алғашқы жексенбісінде тойланады. Бұл дәстүр Кеңес Одағы заманынан бері сақталып келеді. Алайда, ЮНЕСКО 1994 жылы Халықаралық мұғалімдер күнін 5 қазанға бекітті.
Фото: qazaq.today
