Мәдениет және ақпарат министрі Аида Балаева сахнада балағат сөздер айтатын әртістерді жазалау туралы ұсынысқа түсініктеме берді, деп хабарлайды Malim.kz.
Жалпы, мәдениет қайраткерлерінің миссиясы – құндылықтарды көтеру. Рухани құндылықтар, мәдениетті қалыптастыру. Сахнаға шыққан кез келген орындаушы көрермендерді құрметтеуі керек. Олар, ең алдымен, әнші не әртістің сахнаға қалай шыққанын, қандай күйде шыққанын қадағалап отыруы керек. Кез келген жағдайда боғауыз айтуға болмайды, - деді ол.
Сондай-ақ министр «петицияға қол қою шегі көтеріле ме» деген журналистер сауалына жауап берді.
Біз кез келген мәселенің қоғамда алауыздық тудыруына жол бермеуіміз керек. Сондықтан тұрғындардың пікірін тыңдау маңызды. Соңғы апталарда өтініштерді қараған кезде шекті ұлғайту керек деген сұрақ туындады, - деді Балаева.
Фото:
