«40 кг салмақ тастадым». Кенжебек Жанәбілов бұрын-соңды айтпаған сырын бөлісті
Әнші арықтаған соң ешкім танымай қалғанын алға тартты.
«Музарт» тобының әншісі Кенжебек Жанәбілов «1001» түн бағдарламасында қонақта болып, еш жерде айтпаған сырын бөлісті, деп хабарлайды Malim.kz.
4 жасымда әкем дүниеден озды. Содан бері анамның өсиетін тыңдап өстік. Өнер анамның бойынан дарыған. Мектеп қабырғасында жүргенде тек өнер емес, еңбекке жақын болдым. Жетінші ме, әлде сегізінші сыныпта ма, жер аударып, қауын-қарбыз да ектім. Өте еңбекқор болатынмын. Бұл туралы алғаш рет айтып отырмын. Сол кезде анам осы бала бәріңді асырайды деп айтатын, - дейді әнші.
Кенжебек өнерге бет бұрмаса, спортшы болуы мүмкін екенін айтты. Себебі ол мектеп кезінен бокспен шұғылданған екен.
Бір жыл мектепке бармай, спортпен айналыстым. 1,5 жыл бокспен шұғылдандым. Ол кезде артық салмағым болатын, 6 айдың ішінде 35-40 килограмм салмақ тастадым. Мектептегі қыз-жігіттер мені танымай қалды. Егер өнерге келмесем, спортпен айналысатын едім, - дейді әнші.
©instagram.com/kenzhebekmuzart
