Айсәуле Бақытбек «Қазақ аруы» байқауына қатысты ойын айтты
Бұған дейін бұл байқауды көпшілік сынап тастаған
Баян Алагөзованың қызы, блогер Айсәуле Бақытбек «Қазақ аруы» байқауына қатысты пікір білдірді, деп хабарлайды Malim.kz.
Блогерден желідегі оқырман байқауының қаншалықты шынайы өткенін сұраған.
100 мың адам дауыс берді. Менің ойымша, таза жеңіс. Жеңімпазды әділетсіз таңдаудың маңызы жоқ. Байқауды жеке басының қамын ойлауы мүмкін дейтін «ағашка» емес, менің анам ұйымдастырды. Жеңімпаз қыздың біздің отбасыға ешқандай туыстық қатысы жоқ. Өзім кеше оны басқа қатысушы қыздармен бірге бірінші рет көрдім. Анама байқаудағы жеңіс үшін ұсынатын ақшаның қажеті де жоқ. Осыдан өздеріңіз қорытынды шығарсаңыздар болады, – деді Айсәуле Бақытбек.
Еске салайық, Баян Мақсатқызы жыл сайын байқаудың арты үнемі дауға ұласатынын да жасырмаған еді.
Осындай іс-шараға қыруар ақша жұмсап, жеңісті біреуге алып беру бізге қызық емес. Ондаймен айналыспаймыз. Жеңімпаздарды сөкпейді. Адамдар неше түрлі пікір айтады. Байқаудың әділ өтпеуі бойынша жыл сайын маған айып тағылады. Бізде барлық дәлел, хаттама бар, – деген еді Алагөзова.
Фото: instagram.com/aissaulebakytbek
MalimBlocks
