Ауруханадан шыққан Жұлдыз Әбдікәрімова балаларымен бірге Бурабайда демалып жүр
Ол табиғат аясында демалуды құп көрген.
Қазақстандық танымал актриса Жұлдыз Әбдікәрімова балаларын алып Бурабайға демалуға кетті, деп хабарлайды Malim.kz.
Жақында ғана ауруханадан шыққан Қайрат Нұртастың әйелі балаларымен уақыт өткіземін деп шешкен.
Отбасылық видеоны Әбдікәрімова Instagram-дағы парақшасында жариялады.
Актриса мұндай шешімді ауруханада жатып қабылдағанын айтады.
Екі апта клиникада ем алып жатқанда, осыны ойладым. Шыққан бойда балаларымды құшақтап, Бурабайға кетемін дедім. Үйде оларға бас-көз болып отырған әпкеме бұл ойымды айтқанда, бірден қолдай кетті.
Қаудаланған жұмысты да, жауапсыз қалған қоңырауларды да, бәрін-бәрін шегеріп тастап, жолға шығып кеттік. Тыныштығым осы ма дерсіз?! Балаларымның күлкісі, сұлу табиғат, жылқы, тау мен тас, ну орман, өзен-көлдер… Дауасы осы екен.
Еш терең ойсыз, астарсыз оқып көріңізші. Сезініп көріңізші, - деді Жұлдыз.
Фото: instagram.com/zhuldyzabdukarimovaofficial
MalimBlocks
