Бағлан Әбдірайымов құмар ойынға қанша ақша жұмсағанын ашық айтты
Бұған дейін әнші ойынқұмарлыққа тәуелді болғанын мойындаған еді
Әнші әрі продюсер Бағлан Әбдірайымов Әйгерім Сейфоллаға берген сұхбатында бұрын құмар ойынға қанша қаражат жұмсағанын ашық айтты, деп хабарлайды Malim.kz.
Бұған дейін ол ойынқұмарлыққа тәуелді болғанын мойындаған еді. Осы әдетінің салдарынан қарызға белшесінен батқан.
Құмар ойынға бір жарым жыл уақытым кетіпті. Осы уақытта күл-талқанымыз шығып кетті ғой. Есептеп қарасам, сол кезеңде 500 мың доллар (шамамен 255 миллион теңге) жұмсаппын. Бұл сомаға қарыздарым мен беріп жіберген дүние-мүлкім де кіреді. Ал өзім үйде 45 мың доллар жинаған адаммын ғой. Кейін өзімді тоқтату үшін тізіліп тұрған казиноларға кіріп, әкімшілікті шақырып, келесі келгенімде мені кіргізбеңіздер деп айтып тастадым. Олар маған есікті жапты ма, жаппады ма, бірақ осы арқылы санамды жауып, ойыннан бас тарттым. Сосын Алматыға оралып, бұрын араласқан достарыммен араласып, үнемі білім іздеп, оқып жүретін ортаға талпындым, - дейді өнер иесі.
Фото: видеодан кадр
