Қазақстандық әнші, КешYOU тобының бұрынғы солисі Балжан Бидаш бір жыл бұрын басынан өткерген қиындықтар туралы айтып берді, деп хабарлайды Malim.kz.
Өнер иесінің сөзіне қарағанда, ажырасқаннан кейін күйзелістен бетіне безеу толып кеткен, тіпті әр күнін жылаумен өткізген.
Бұл жағдайды бір жыл бұрын сіздерден жасырып қалдым. Гримм де, фотошоп та көмектеспеді. Суреттерде бұл бер жағы ғана. Күн сайын көбейе берді. Күнде жылайтынмын. Сол Балжанды қатты құшақтағым келеді. Ешкімнің басына бермесін. Кез келген адамға соққы болары сөзсіз. Көзімде нұр жоқ. «Бетіңді неге шашыңмен жауып аласың» деген сөздер де ауыр тиді, – деп жазды Балжан Бидаш.
Естеріңізде болса, Балжан әзілкеш Жахан Отарғалиевқа тұрмысқа шығып, үш жылдан кейін екеуі ажырасып кеткен еді.
Фото: instagram.com/bidash_official
