«Бәрі маскамен жүреді»: Айжұлдыз Адайбекова ұзату тойын қалай жасайтынын айтты
Актриса екінші рет тұрмысқа шыққан болатын
Танымал әнші Жанар Айжанованың қызы, актриса Айжұлдыз Адайбекова екінші рет тұрмысқа шығып, өз таңдауын жасады. Енді блогер, актриса НТК телеарнасындағы «OZMZ ғой» бағдарламасында көпшілікті шақырып, үлкен той жасамайтынын айтты, деп хабарлайды Malim.kz.
Актрисаның айтуынша, тойға жиналған көпшілік уақытын телефонға видео түсірумен ғана өткізіп, екі жастың бақытты сәтін шынайы бөлісуге ниет танытпайды.
Мен жақында өте бір мықты адамның тойында болдым. Барған кезде біріншіден, нені сезіндім. Бәрі маскамен жүреді. Екіншіден, шынайы сезінбейді. Былай телефонды алады, түсіреді. Менің ойымша, бәрібір бұл – ерекше күн. Сол сәтті сезініп, өткізуің керек. Түсіретін адам түсірсін. Қазір Құдайға шүкір, мобилограф бар, видеограф бар, бірақ сен сол сәтте бол. Біз кейде осындай болып жатқан сәтті көзбен іліп алуды ұмытып кеттік негізі, барып телефонға жүгінеміз, TikTok түсіреміз. Бұның барлығы болуы керек, бірақ, оның кейде керек емес сәттері бар. Менің ойымша, бұл әсіресе, осы тойға қатысты. Сондықтан да мен бұл тойды біреуге көрсету үшін емес, жарқырап-шашылу үшін емес, ауызбіршілікте, жақын адамдардыңды бір жерге жинап, бір жақсы кеш өткізуді жөн деп таптым, дейді Айжұлдыз Адайбекова.
Ал күйеу жігітінің тойды қалай өткізетініне ешқандай араласпайтынын айтады.
Әрі қарай өзімнің жарым тойды қалай жасайды, блогердің кеші бола ма – өз еркі, өзі біледі. Мен оған еш араласпаймын, жалпы өзімнің ұстанымым осындай, деді ол.
Фото: Айжұлдыз Адайбекованың желідегі парақшасынан
Байланысты жаналықтар
MalimBlocks
