«Быт-шыттарыңды шығарамын». Мақпал Жүнісова өзін «тұрмысқа шықты» дегендерге ескерту жасады
Әнші олар сот алдында жауап беретінін еске салды.
Қазақстанның халық әртісі Мақпал Жүнісова желіде өзі туралы жалған ақпарат таратқандарды жазалайтынын айтты, деп хабарлайды Malim.kz.
Өнер иесі өзін тұрмысқа шықты деп жазғандарға шүйлігіп, оларға үндеу жасады. Жүнісова өзінің Instagram-дағы парақшасында видео жариялап, өсек таратып жүргендер сот алдында жауап беретінін ескертті.
Tik-Tok желісінде аузына келгенін айтып отырған қыздар мен жігіттер, сендер кімсіңдер? Мені «Күйеуге шықты» деп ойбай салып жатыр екенсіңдер. Ұяттарың қайда өзі? Хайп ұстаймыз деп бізді қалай болса солай ойыншық қылдыңдар ғой. Ойларыңа келгенді саласыңдар. Бүйте беретін болсаңдар, быт-шыттарыңды шығарамын. Адам жалдап, соттасамын, ақшаларыңды бәрін алып кетемін. Ешқандай күйеуге шыққан жоқпын. Мені қарсы алған режиссер болатын, - деді эстрада жұлдызы.
