Мөлдір Әуелбекова әкесіне ерекше тосынсый жасады
Мөлдір Әуелбекова әкесінің көлігін 2-3 жыл сайын жаңартып отыратынын айтты.
Қазақстандық әнші Мөлдір Әуелбекова әкесіне темір тұлпар сыйға тартты, деп хабарлайды Malim.kz.
Өнер иесі бұл туралы әлеуметтік желідегі парақшасында жариялады. Әуелбекованың сөзіне қарағанда, ол әкесіне тосынсый жасау үшін оны үйіне қонақ қылып шақырған.
Дәл қазір эмоцияға толы сәт болады. Себебі мен әкеме кезекті жаңа көлігін сыйлаймын. Бұл себепсіз сыйлық, ол әлі ештеңе білмейді. Қазір үйге қонаққа тамаққа шақырдым, - деді ол.
Сонан соң ол көліктің кілтін әкесіне берді.
«Әрбірімізге көз қуаныштарымызды себепсіз, жиі-жиі қуантуды бұйыртсын! Есеп бойынша нешінші көлік екенін білмеймін, 2-3 жыл сайын жаңартамыз, - деді Мөлдір Әуелбекова.
