«Қайта қосылды». Дильназ Ахмадиева бұрынғы күйеуімен қарым-қатынасы жайлы ашып айтты
Бұған дейін екеуі қайта қосылғаны туралы ақпарат тараған.
Қазақстандық әнші Дильназ Ахмадиева бұрынғы күйеуі, Азильдо лақапатымен танымал Әзілхан Сейітбаевпен қарым-қатынасы жайлы айтты, деп хабарлайды Malim.kz.
Естеріңізде болса, жақында ғана Дильназ Ахмадиева экс-күйеуі, баласының әкесімен бірге махаббат туралы бейнебаян түсірген. Осыдан соң көпшілік арасында жұптың қайта қосылғаны туралы болжам пайда бола бастады. Дегенмен Ахмадиеваның өзі мән-жайды түсіндіріп өтті.
Біз қайта қосылған жоқпыз. Бірақ мен баламның әкесі сол болғаны үшін Аллаға шүкіршілік етемін. Ол өте ақылды, шығармашылыққа жақын, жаны нәзік адам! Оның бойындағы қасиеттер менің де жаныма жақын. Бізді сақтап қалу мүмкін болмады, бірақ оның болашақ жарының жолы болатынын білемін. Азилька, саған шын жүрегіммен бар жақсылықты тіледім. Өзіме рұқсат берілгенше ғана жақсы көремін. Ағам секілді, - деп жазды.
Фото: instagram.com/dilnaz_akhmadiyeva
