«Қатты шектен шықпаңыздар». Әнші Алтынай Жорабаева өнердегі әріптестерін сынап тастады
Әнші мобилографымен жүретін өнер адамдарына ашуланған.
Танымал әнші Алтынай Жорабаева үнемі мобилографымен жүретін өнер адамдары мен блогерлерге Instagram-дағы парақшасында ескерту жасады, деп хабарлайды Malim.kz.
Әр қадамын видеоға түсіріп жүру сырттан жаман көрінетінін айтып, көзбояушылыққа берілмеу керегін атап өтті.
Осы мобилографпен жүретін жандар! Қатты шектен шықпаңыздаршы, өтініш. Құран оқитын жер болсын, той болсын. Үнемі бірге жүреді. Қонаққа барсаң тіпті амандасқаныңа дейін, сыйлық бергеніне дейін түсіріп жүреді. Жаман көрінеді. Шын айтамын. Желіге салғанда халыққа білінбейді. Бірақ сіздің солай мобилографыңызбен кіріп келгеніңіз сырттан жаман көрінеді, - дейді әнші.
Әншінің айтуынша, желідегі өмір үшін шектен шығудың қажеті жоқ.
Бәрі "на показ" үшін екені жаман білініп, сырттан жаман көрінеді. Жарайды, жұмысыңызды, өнеріңізді жасаңыз. Тіпті арнайы блогерлердің іс-шарасы болса да мейлі. Бірақ шектен шықпаңыздаршы. Артық айтсам, кешірім сұраймын, - деп жазды әнші.
Фото: Видеодан кадр
Байланысты жаналықтар
MalimBlocks
