Қазақстандық танымал актер сүйіктісіне қол көтерді деп айыпталды
Әлеуметтік желіде оқиғаға қатысты видео мен фотолар жарияланған.
Көпшілікке «Шакенти» лақап атымен танылған қазақстандық актер әрі блогер Шәріп Серік тұрмыстық зорлық-зомбылыққа қатысты айыпталып жатыр, деп хабарлайды Malim.kz.
Әлеуметтік желіде белгісіз бойжеткен жариялаған бейнежазбада ер адам бір нысанның ішінде жалаңаяқ оның соңынан жүгіріп келіп қолынан ұстап, лифтіден күштеп шығарып жатқаны анық көрінеді. Сондай-ақ әйел бетінде соққы іздері іздері бар суреттерін жариялап, болған оқиға жайлы айтып берді.
Тіпті ең қорқынышты түсімде де сүйген адамымның маған қол көтеретінін елестетпеген едім. Бірақ бұл шындыққа айналды, деп жазды ол.
Бойжеткенді көптеген өнер иесі де қолдаған. Олардың арасында актердің бұрынғы әйелі, рэп орындаушысы Say Mo да бар.
Аталған жағдай бойынша полиция өкілдері бұл оқиға бойынша тексеру жүргізіліп жатқанын хабарлады.
Шәріп Серік - танымал актер, блогер әрі вайнер. Ол әлеуметтік желілерде ерекше контент жасаумен танымал болып, қалың көрерменнің көңілінен шығып жүрген өнер иесі. Өзінің әзіл-сықақ видеоларымен кеңінен танылған «Шакенти» соңғы жылдары кино саласында да өзін көрсетіп жүр. Дегенмен белгілі өнер иесі оқиғаға байланысты әзірге актёрдің өзі түсініктеме берген жоқ.
Фото: Instagram/shakentii
Байланысты жаналықтар
MalimBlocks
