«Түнімен ұйқы жоқ». Роза Әлқожа үй ішімен ковид жұқтырғанын айтты

Әнші Роза Әлқожа денсаулығы сыр беріп, ауырып қалған. Өнер иесі балаларының да қоса ауырып жатқанын және ел ішінде ковид таралып жатқаны туралы айтты, деп хабарлайды Malim.kz.

“Үнсіз пандемия! Адамның бәрі ауруханада емес, жеке ем шара бөлмелерінде. Алматыда да, Шымкентте де көргенім сол! Бәрібір түбінде сыр беріп, өзің де системаға келгенсің ғой. Біреуге мал қайғы, біреуге жан қайғы, кімнің несі керек, жаныңмен қайғы болып жатырсың”, – деп жазды әнші. 

Әншінің балалары да әлі толық жазыла алмай жатқан көрінеді. 

“Өскеменнен келгелі балалар ауырып, түнімен ұйқы жоқ. Байқағаным, мутацияға ұшыраған түрленген ковид жүр екен барлық жерде. Өйткені қай қалада болса да, диагноз бір. Тамақ іседі, қызуы көтеріледі, іші түйнеп ауырады, құсу, іш өту белгілері бар”, – деп айтты әнші. 

Фото: Видеодан кадр