42 500-ді қарық қылмаған министрлер тағы бір жәрдемақы тағайындамақ

Malim Админ

  • 22.05.2020

Коронавирусқа қатысты жұмыссыз қалғандарға мемлекет тарапынан жәрдемақы тағайындалмақ. Бұл туралы еңбек және халықты әлеуметтік қорғау вице-министрі Нариман Мұқышев Facebook парақшасында жазды деп хабарлайды Malim.kz.

Бұл жәрдемақыны алу үшін азаматтар алдымен мемлекеттен жұмыс тауып беруін сұрап, Egov.kz сайты арқылы онлайн өтініш беру керек. Қазір жұмыспен қамту бағдарламасын («Еңбек») цифрлық даму министрлігімен бірігіп, цифрландыру туралы ақылдасып жатқан көрінеді. Әрине, ақылдасып жатқан шаруа болғандықтан, жәрдемақының көлемі, ол тағайындалатын адамға қандай талап қойылатынын тәптіштеп түсіндірумен аты шыққан министр Нұрымбетовтің орынбасары нақтыламапты. Тек «кенеттен, қандай да бір себеппен жұмыс табылмаса» жұмыссыз мәртебесі берілетінін жалпылама айтыпты.

"Мұның бәрі egov.kz сайтындағы "жұмыс іздеуші тұлғаларды тіркеу" қызметінен басталады, "жұмысқа орналастыру және жұмыспен қамту" бөлімінде. Тіркелген кезде азамат өзінің жұмыссыз екендігі және  мемлекеттің жаңа жұмыс табуға көмектесуін қалайтыны туралы хабарлайды. Бұдан әрі әдеттегідей enbek.kz-тен жұмыс іздеу керек. Егер кенеттен қандай да бір себеппен жұмыс табылмаса, онда азаматқа қашықтықтан жұмыссыз мәртебесі беріледі, бұл жұмыстан айырылуына байланысты әлеуметтік төлем алуға құқық береді", - дейді министрдің орынбасары.

Карантин басталғалы бұл екі министрлік ең көп сынға ұшыраған ведомство екенін айта кету керек.

Алдымен, Цифрлық даму министрлігі оқушыларды онлайн оқытуға мүмкіндігі жетпей, мұғалімдер мен ата-аналардан аз сөз естіген жоқ. Одан соң, 42 500 теңге алу үшін жұрт онлайн өтініш бере алмай, сайттары істемей қалып, арнайы ашылған порталдары да өтініш берушілердің көптігін көтере алмай, бірер мәрте істемей қалды.

Ал, Еңбек және халықты әлеуметтік қорғау министрлігі бас-аяғы 42 500 теңгені өтініш берген жұртқа (қанағаттандырылған топқа) толық төлей алмай, ел алдында сүйкімін аз кетірген жоқ. Бір тағайындаған жәрдемақыларын қайтарып алатыны туралы да әңгіме тарап, ел біраз дүрлікті. Екі айға созылған  төтенше жағдайға қарамастан өтініші қанағанттандырылғандардың көпшілігі бір-ақ рет әлеуметтік көмек алды.

4,5 млн адамға тағайындалған 9 млн-нан астам ақшаның есебін де әлі күнге беріп бола алмай жүріп, жұмыссыздарға жәрдемақы төлейміз дегеніне осы жолы ел сене қояр ма екен...

Байланысты жаналықтар

Еңбек министрлігі демалыс күндерін ауыстыру туралы пікір білдірді

27.03.2025

Медициналық кітапшаны онлайн алуға болады

10.02.2025

Жұмыссыздар кәсіптік біліктілігін танытуға өтініш бере алады

31.01.2025

Қазақстанда «сұр» жұмысшылар неге көп?

23.01.2025

Қазақстандағы жұмыссыздардың көбі – әйелдер

17.10.2024

Еңбек және халықты әлеуметтік қорғау вице-министрі тағайындалды

23.08.2024
MalimBlocks
Еңбек министрлігі демалыс күндерін ауыстыру туралы пікір білдірді

Еңбек және халықты әлеуметтік қорғау министрлігі демалыс және мерекелік күндерді ауыстыру мәселесі бойынша пікір білдірді

Медициналық кітапшаны онлайн алуға болады

Жұмыссыздар кәсіптік біліктілігін танытуға өтініш бере алады

Қазақстанда «сұр» жұмысшылар неге көп?

Әлеуметтік сауалнама қорытындысы жарияланды

Қазақстандағы жұмыссыздардың көбі – әйелдер

Әйелдер арасындағы жұмыссыздықтың ең жоғары деңгейі Жетісу, Маңғыстау, Батыс Қазақстан облыстарында және Алматы қаласында тіркелген

Еңбек және халықты әлеуметтік қорғау вице-министрі тағайындалды

Қазақстан Республикасы Үкіметінің қаулысымен Асқар Сақтағанұлы Биахметов еңбек және халықты әлеуметтік қорғау вице-министрі қызметіне тағайындалды. Бұл туралы үкіметтің баспасөз қызметі хабарлады.