Алматы әкімдігі шетелдік блогерлерге 35 миллион шашпақ

Malim Админ

  • 05.02.2020

Алматы қаласы әкімдігінің туризм басқармасы шетелдік блогерлер мен журналистердің екі пресс-турына бюджеттің 35 714 285 теңгесін жұмсамақ. Әкімдікке қарасты туризм басқармасы ақпанның 4-і күні мемлекеттік сатып алулар порталында шетелдік блогерлер мен журналистердің пресс-турын ұйымдастыруға тендер жариялады.

Ашық конкурс түрінде өтетін тендерге өтініш қабылдау 12 ақпанда басталып, 27 ақпанда аяқталады. Мемлекеттік сатып алулар порталында жарияланған хабарламаға қоса тіркелген қызметтердің техникалық ерекшелігі құжатына қарағанда, пресс-турдың мақсаты "Алматы қаласының туристік әлеуетін дамыту, елдер арасында туристік алмасуды көбейту".

Әр баспасөз турына шетелден 20 блогер қатысуы тиіс. Туризм басқармасы тендерді ұтып алған ұйым блогерлерді қай елден шақыратынын тізіп шыққан. Атап айтсақ, ұйымдастырушы блогерлер мен журналистерді Германия, Австрия, Испания, Португалия, Франция, Италия, Польша, Ұлыбритания, Бельгия, Гонконг, Қытай, Таяу Шығыс пен Оңтүстік Шығыс Азия елдерінен алдыртуы керек.

Бірінші пресс-тур 2020 жылдың 2-3 тоқсанында өтсе, екіншісі 3-4 тоқсанда ұйымдастырылатын көрінеді. Блогерлерге арналған 6 күндік пресс тур бағдарламасына мыналар кіреді: Алматы қаласындағы экскурсия, Қазақ халық музыкалық аспаптар мұражайына бару, 28 панфиловшылар паркінде саяхаттау, Көктөбеге көтерілу, Көк базар аралау, "Сұңқар" құстар бағы, "Гұндар" этноауылы, Шарын шатқалы, Медеу мұз айдыны, Шымбұлақ тау-шаңғы курортына бару, қазақ ұлттық тағамдарын дайындау бойынша мастер-класс өткізу, ұлттық костюмдерде фотоссессия жасау үшін қолөнершілер шеберханасына бару.

Шетелден келетін блогерлер Алматыдағы 5-жұлдызды қонақ үйлерінің біріне орналастырылады. Тендерді ұтып алған ұйым шетелдік қонақтарды әуежайда күтіп алудан бастап қонақ үйге тұрғызу, пресс тур бағдарламасын әзірлеп, ұйымдастыру, блогерлерді автобуспен алып жүру, тамақтандыру, ақпаратпен қамтамасыз етуге дейінгі шаралардың бәрін іске асырады.

Фото: Досжан Балабекұлы

Материалды көшіріп басуға болмайды!

Байланысты жаналықтар

ПЦР мен КТ-дан өтуге неге асықпау керек?

01.07.2020

Жолдарды мақтайтын блогерлерге миллиондар бөлінбек

27.02.2021

Апатты күнде құтқарушылар қалай жұмыс істеді?

30.03.2022

Боранбаевты қолдаушылар қатарына Паралимпиада комитеті мен Қайрат футбол клубы қосылды

01.04.2022

«Досаев қала түгіл лашық басқара алмайды!» Алматыдағы бейбіт митинг қалай өтті?

06.02.2022

Карантин режимін бұзғандарды "Сергек" арқылы ұстамақ

30.03.2020
MalimBlocks
ПЦР мен КТ-дан өтуге неге асықпау керек?

Жолдарды мақтайтын блогерлерге миллиондар бөлінбек

Апатты күнде құтқарушылар қалай жұмыс істеді?

Алматыда 29 наурыз күні ауа райы күрт құбылып, қатты жел тұрып, қарқынды жаңбыр жауып, құтқарушылардың жұмысы көбейді.

Боранбаевты қолдаушылар қатарына Паралимпиада комитеті мен Қайрат футбол клубы қосылды

Қазақстан Ұлттық Паралимпиада комитеті мен алматылық Қайрат футбол клубының ұжымы Қасым-Жомарт Тоқаевқа хат жазып, экс-президенттің экс-құдасы, миллиардер Қайрат Боранбаевтың тергеу ісін ашық әрі әділ өткізуді сұрады.

«Досаев қала түгіл лашық басқара алмайды!» Алматыдағы бейбіт митинг қалай өтті?

Алматыда қаңтардағы қанды қырғыннан кейін алғаш рет ауқымды митинг өтті. Ғылым ордасы ғимараты маңына жүзге жуық адам жиналды. Бастапқыда қалаға жаңа тағайындалған «Ерболат Досаев қызметінен кетсін» деген лозунгпен басталған шара аяғында әртүрлі ұрандар айтылды. Халықтың несиеге белшеден батқанынан бастап, «қаңтарда қайтыс болғандардың өліміне президент Тоқаев кінәлі» деген пікірлер болды.

Карантин режимін бұзғандарды "Сергек" арқылы ұстамақ