Астана әуежайында шу шықты. Жолаушылар наразылық білдірді
Елорда әуежайында жолаушылар FlyArystan рейсінің бірнеше сағатқа кешіктірілуіне байланысты наразылық білдірді.
Жолаушылардың айтуынша, Flyarystan әуекомпаниясының ұшағы Астана-Шымкент рейсімен 25 ақпанда таңғы 5:40-та ұшуы тиіс болған. Біраз уақыттан кейін жолаушыларға SMS арқылы рейс мүлде тоқтатылғанын хабарлаған.
Осыған байланысты Азаматтық авиация комитеті пікір білдірді.
«Астана – Шымкент КС-7307 рейсі «айрбас-А320» әуе кемесімен ұшу сағат 05.40-қа жоспарланған болатын. Ауа райының қолайсыздығына байланысты рейстің ұшуы кейінге қалдырылды, одан кейін тоқтатылды. Рейстің тоқтатылғаны туралы жолаушыларға жолаушыларға хабарлама жіберілді», - делінген ААК хабарламасында.
Комитет ауа-райына байланысты рейс 10 сағатқа кешіктірілді деп мәлімдеген. Ал басқа авиакомпаниялардың ұшақтары жарты сағаттан кейін ұшып кеткен.
Құзырлы мекеме күту кезінде жолаушыларға салқын сусындар мен ыстық тамақ таратуды ұйымдастырдық деп сендірді. Сонымен қатар, барлық өтініш білдіргендерге билеттер құнын толық қайтарылатынын жеткізген.
«Азаматтық авиация комитеті мен Қазақстанның авиациялық әкімшілігі қосымша тексеру жүргізеді, авиакомпания тарапынан заң бұзушылық анықталған жағдайда тиісті шаралар қабылданады», – деп хабарлады Азаматтық авиация комитеті.
Самое читаемое
