«Астана» спорт клубындағы сыбайлас жемқорлық

Malim Админ

  • 03.03.2020

Бүгін «Астана» спорт клубының экс-директоры Аманбек Құлшықов қамауға алынды. Бұл туралы Жемқорлыққа қарсы агенттіктің екінші департаментінің басшысы Сергей Перов Нұр-Сұлтанда өткен брифингте мәлімдеді.

Перовтың айтуынша, бөлінген қаражат шетелдік компаниялармен келісімшарттарға отырып, жалған құжаттарға қол қою арқылы жымқырылған.

«Демеушілер жыл сайын 200 велосипедті тегін беріп отырған. Ол велосипедтердің барлығы халықаралық стандартқа сай болған. 2018 жылы тағы құны 219 мың еуро болатын алты велосипед берілген. Бірақ іс жүзінде бұл велосипедтер қолданылмаған болып шықты, ол қаражаттың барлығы жымқырылған», - деді Сергей Перов.

Бұдан бұрын Сыбайлас жемқорлыққа қарсы қызмет 2016-2017 жылдары Қазақстан автоспортын дамытуға бөлінген қаражатты жымқыру ісі бойынша тергеу жүргізген. Ведомство мәліметінше, «Дакар-2012» ралли-рейдінің қола жүлдегері Артур Ардавичус бірнеше рет жауап алуға шақыртылған, алайда шетелден келуден бас тартқан.  Өйткені Ардавичус 2 миллиард теңгеден аса қаражатты жымқырды деген күдікке ілінген.

«Ол халықаралық іздеуде жүр, 2  миллиард теңгеден аса қаражатты жымқырды деген күдікке ілінді. Қазіргі уақытта жасырынып жүр. Бір айдан аса уақыт бойы байланыста болды. Оны осында шақырдық, алайда ол келуден бас тартты. Ешқандай мәлімдеме жасаған жоқ. Сондай-ақ, бұл істе одан бөлек басқа да күдіктілер бар. Олар жайлы кейін айтамыз», - деген болатын Сергей Перов.

Енді сол күдіктілер анықталғанға ұқсайды. «Астана» cпорт клубына қатысты қылмыстық іс барысында автомобильдер мен қымбат пәтерлер тәркіленін тағы осы Жемқорлыққа қарсы агенттіктің екінші департаментінің басшысы Сергей Перов мәлімдеді.

«Сыбайлас жемқорлыққа қарсы қызмет «Самұрық Қазына» спортты дамыту мен Қазақстан имиджіне бөлген қаражатты жымқыру ісі бойынша қылмысты істі тергеп жатыр. Тергеу мәліметінше, велоклубтың экс-директоры Аманбек Құлшықов пен оның сыбайластары Astana Pro Team велокомандасы басшысы Ләззат Шәмшиева мен Astana Motorsport басшысы Артур Ардавичуспен дайындаған қылмыстық схема анықталды», - деген еді Перов Нұр-Сұлтанда өткен брифинг барысында.

Құлшықов пен Шәмшиева Нұр-Сұлтандағы тергеу изоляторына қамалған. Сот бұлтарпау шарасы ретінде оларды екі ай қамауда ұстау туралы шешім шығарған, ал Ардавичусқа халықаралық іздеуде жүр.

Фото: 24.kz

Байланысты жаналықтар

Тоқаев «Самұрық-Қазына» төрағасын қабылдады

14.03.2024

Мұғалімге ескерту.34 мың теңгеден артық алма, 7 млн айыппұл!

18.05.2023

«Самұрық-Қазына» басшы әйелдерді көбейтпек

05.05.2023

Сыбайлас жемқорлық. "Самұрық-Қазына" мәлімдеме жариялады   

04.03.2022

Мамин Есімовті қызметінен босатты

29.03.2021

"Еңбекке жарамсыз" Есімов зейнетке кететін болды

26.03.2021
MalimBlocks
Тоқаев «Самұрық-Қазына» төрағасын қабылдады

Қордың былтыр атқарған жұмыстарының қорытындысы баяндалды.

Мұғалімге ескерту.34 мың теңгеден артық алма, 7 млн айыппұл!

Сыбайлас жемқорлыққа қарсы қызмет оқушы, ата-анадан сыйлыққа ақша жинататын мұғалімдерді жауапкершілікке шақырып, ескерту жариялады

«Самұрық-Қазына» басшы әйелдерді көбейтпек

«Самұрық-Қазына» тобындағы басшылық лауазымдардың үштен бірін әйелдер атқармақ.

Сыбайлас жемқорлық. "Самұрық-Қазына" мәлімдеме жариялады   

"Самұрық-Қазына" АҚ, "Самұрық Энерго" және "Қазақстан темір жолы" компанияларының кейбір басшыларына қатысты тергеу жүріп жатыр

Мамин Есімовті қызметінен босатты

"Еңбекке жарамсыз" Есімов зейнетке кететін болды