Алматы қаласының бас санитар дәрігері Жандарбек Бекшин бүгін өткен онлайн брифингіде вакцинаға қарсылардың әрекеті індеттің өршуіне әкеп соқтырды деді. Бекшин антиваксерлердің кесірінен балалардың вирус жұқтыруы көбейді деп мәлімдеді.
Бекшин бүгін түске дейін вакцинаға қарсы бесенділерді инфекциялық стационарға апарып, оларға ауыр жағдайда жатқан науқастарды көрсеткен.
"Бүгінде инфекциялық аурухананың жансақтау бөлімінде жатқандардың 100 пайызы вакцина алмағандар. Өзіммен бірге азаматтық белсенділерді ертіп апардым. Ондағы мақсатым – олардың, антиваксерлердің жұмыс "нәтижесін" көрсету. Олар ауыр науқастар мен күні-түні бойы оларды емдеп жүрген дәрігерлерді өз көзімен көрсім дедім. Ауруханаға түскендердің көбі "егер түрлі мифтерді тыңдамай, уақытына екпе алсақ, онда бұл жерге түспес едік" деді. Сондықтан еліміздің және қаланың бас санитар дәрігерінің талаптарын орындап, індетке қарсы бірігіп күресуге шақырамын", - деді Жандарбек Бекшин.
Алматы қаласының бас санитар дәрігері антиваксерлердің кесірінен балалар арасында індетті жұқтыру көрсеткіші артқанын мәлімдеді.
"Алты жарым айда қалада 4000 оқушы вирус жұқтырды. Былтыр осы кезеңде 281 оқушы жұқтырған еді. Жыл басынан бері бір жасқа толмаған 1180 нәресте вирус жұқтырды. Олар ата-анасынан, отбасы мүшелерінен жұқтырған. Бұл да антиваксерлердің ісі. Егер балалардың ата-анасы, отбасы мүшелері вирусқа қарсы екпе алса, бұлай болмас еді", - деді Бекшин.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
