Алматы қаласының бас санитар дәрігері Жандарбек Бекшин бүгін өткен онлайн брифингіде наурыз айының аяғында эпидемиологиялық ахуал нашарлайды деген болжам айтты.
"Біз эпидемиологиялық ахуал нашарлайды деп есептейміз. Өйткені бұл штамм қаншалықты жұқпалы екенін көріп отырмыз. Бірақ мақсатымыз ахуалды бақылауда ұстап, қазіргі жағдайды, күніне жұқтыратындарды 450-ден асырмау. Сөйтіп, біртіндеп төмендету. Егер қаулыда айтылған қатаң шектеу шаралары сақталса, жұқтыру көрсеткішін төмендете аламыз. Яғни аурудың таралу тізбегін үзе аламыз", - деді Жандарбек Бекшин.
Жандарбек Бекшин Алматыда наурыздың 22-сі 28-і аралығында қатаң шектеу шараларын енгізетін қаулы қабылдады. Қаулыға сәйкес, базарлар, сауда ойын-сауық орталықтары, сауда үйлері, фитнес орталықтар жұмыс істемейді.
Бекшиннің қаулысымен тағы қандай қатаң шектеу шаралары енгізілгенін мына жерден оқи аласыз: Бекшин: Алматыда қатаң шектеу шаралары енгізілді
Оқи отырыңыз: Бекшин Алматыда қандай жағдайда қатаң локдаун енгізілетінін айтты
Байланысты жаналықтар
MalimBlocks
