Орта салмақтағы қазақстандық боксшы, IBF және IBO чемпионы Геннадий Головкин (40-1-1, 35 КО) рингке оралады. Оның келесі жекпе-жегінің уақыты белгіленді. Бұл туралы Vesti.kz –ке сәлтеме жасап, Malim.kz хабарлайды.
Головкин былтырдан бері келісім-шартқа қол қойған DAZN стримингтік компаниясы әр жұма сайын өткізіп жүрген бокс шараларын әлі де жалғастыра беретінін хабарлады. Компанияның айтуынша, жыл соңына дейін кезекте тұрған боксшылар аз емес, сондықтан, кесте тығыз.
Сонымен, бұған дейін көп талқыланған бокс кеші 20 қараша күні өтеді. Бұдан бұрын 21 қараша өтуі мүмкін делінген. Бокс кеші Лос-Анжелестегі Карсон қалашығында өтпек.
Еске сала кетейік, Головкиннің бұл жолғы қарсыласы польшалық Камил Шеремета (21-0, 5 КО). Головкин былтырғы күзден бері рингке шыққан жоқ. Қазан айында ол украиналық Сергей Деревянченконы төрешілер шешімімен жеңген. Ал, Шеремета сол бокс кешінің андеркартында жұдырықтасып, Мексика боксшысы Оскар Картесті нокаутпен ұтқан.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
