22 наурызда және алдағы аптада Іле Алатауы жотасының таулы аймақтарында қар көшкіні қаупі өте жоғары, деп хабарлайды Төтенше жағдайлар министрлігінің баспасөз қызметі.
«Алматы маңындағы тауда қар көшкіні мен тас құлау қаупіне байланысты полиция бекеттері мен ұлттық табиғи саябақтардың табиғатты қорғау бекеттері орнатылып, Алматы облысындағы қар көшкіні қаупі бар аймақтарға тұрғындар мен демалушылардың кіруіне шектеу қойылды», - делінген хабарламада.
Сондай-ақ, «Түрген-ұр.Батан», «Есік-көл-Есік», «Қаскелең-лесхоз» жолында тас құлау оқиғасы тіркелді.
ТЖМ туристерге таулы-орманды жерде серуендеуді жоспарлау кезінде сақ болуға кеңес береді.
ФОТО: ТЖМ
