Назарбаевты мақтағандар енді Тоқаевты мадақтауда

Мемлекеттік сатып алу порталында Тоқаевты мадақтайтын бейнеролик жасау үшін ақша бөлінген, - деп хабарлайды ProTenge.kz

– Шығыс Қазақстан облысының Қоғамдық даму басқармасы «Штрихи к портрету президента» атты қысқа бейнероликтерге тапсырыс берген. Естеріңізде болса дәл осындай атаумен 2021 жылы Назарбаев туралы  бірнеше фильм түсірілген болатын. Тұңғыш президентінің өмірі мен қызметіне арналған және бұрын көрерменге беймәлім болған қырларын ашатын көп бөлімді деректі фильм ретінде жарнамаланған болатын.

Ал енді атын да өзгертпей Тоқаев туралы да «Штрихи к портрету президента» брендімен YouTube желісінде «Қасым-Жомарт Тоқаев: өміріндегі қызықты деректер» (Касым-Жомарт Токаев: интересные факты биографии), «ҚР Президенті қанша тілді біледі» (Сколько языков знает президент РК), және «Әріптестері Қасым-Жомарт Тоқаевтың таңғажайып эрудициясы туралы» (Коллеги отмечают потрясающую эрудицию Касым-Жомарта Токаева) атты үш бейнеролик жарияланған. Бірақ осы жаңалық шыққасын бейнежазбаларды өшіріп тастаған. Алайда роликтің бірі ProTenge басылымының Telegram-мына сақталып қалған.