Назарбаевтың немере інісі Ахметжан Есімовтің заңсыз істері анықталуда
Ахметжан Есімов Алматы қаласының әкімі болған кезінде заңсыз берген 7 млрд теңге болатын жер телімдері мемлекетке қайтарылды, деп хабарлайды Алматы прокуратурасы.
Мәліметке қарағанда заңсыз берілген жер телімдері сараптау кезінде анықталған.
«2014 жылы Алматы қаласының шекарасын кеңейту кезінде Алматы облысы жер учаскелерінің бір бөлігі қала құрамына енді. Сол кезде Қарасай ауданындағы 30,9 га жер учаскесін «Халықаралық клубтар қауымдастығы» ЖШС қосалқы шаруашылығын жүргізу үшін алған. Алайда аталған компания жер учаскесінің кадастрлық құнын төлеу бойынша өз міндеттемелерін орындамаған. Прокуратураның талап-арызы бойынша Алматы қаласының мамандандырылған ауданаралық экономикалық сотының шешімімен 7 млрд теңге болатын жер учаскесі мемлекетке қайтарылды» деп жазылған прокуратура хабарламасында.
Egov ақпаратына қарағанда «Халықаралық клубтар қауымдастығының» құрылтайшысы генерал-майор Павел Новиков. «Қызмет түрлері» бағанында: спорт саласы және өзге де қызмет түрлері көрсетіледі деп жазылған.
