Нұржан Әлтаев митингке шақырды деген айыппен 15 күнге қамалды
Ол тікелей эфирге шығып, ахуалды баяндаған
Астанада халықты митингке шақырды деген айыппен саясаткер Нұржан Әлтаев ұсталып, 15 күнге қамалды.
Ол кеше түнде ұсталған мұнайшылардың жағдайын білу үшін полиция бөліміне барған. Сол жерден тікелей эфирге шығып, ахуалды баяндаған.
Полиция оның бұл әрекетін ереуілге шақыру деп бағалап отыр.
Айта кетейік, 11 сәуір күні кешке Астанадағы Дөңгелек алаңда ереуілге шыққан мұнайшылар рұқсат етілмеген митинг ұйымдастырды. Мұны естіген жаңаөзендіктер әкімдік алдына жиналып, елордада қамауда отырғандарды босатуды талап етті.
