Өскеменде Аблакетка өзенде мұз кептеліп, 20 саяжайдың ауласын су басты
Қазіргі уақытта саяжайда ешкім тұрмайды.
Өскемен қаласында қардың қарқынды еруі және Аблакетка өзеніндегі су деңгейінің көтерілуі салдарынан 20 саяжайдың ауласы су астында қалды. ШҚО Төтенше жағдайлар департаментінің мәліметінше, қазіргі уақытта саяжайда ешкім тұрмайды, үйлерге тұрғындар тек жазда келеді.
«Жергілікті атқарушы органдарының күшімен көпір астындағы өзен суын жіберу үшін мұзды жару жұмысы жүргізілді. Нәтижесінде су деңгейі 15-20 см төмендеді», - делінген хабарламада.
Фото: видеодан скриншот
