Өзбек президенті бүгін халқына адал болуға ант береді
Өзбекстан президентінің инаугурациясы 14 шілдеде ел парламентінің заң шығару палатасы мен сенатының бірлескен отырысында өтеді,- дейді Олий Мажлис палаталарының хабарламасында.
Салтанатты шарада 9 шілдеде өткен кезектен тыс сайлауда үшінші мерзімге қайта сайланған Шавкат Мирзиеев халқына адал болуға ант береді.
Өзбекстан Орталық сайлау комиссиясының мәліметінше, 9 шілдеде өткен кезектен тыс сайлауда Шавкат Мирзиеев 87,05 пайыз дауыс жинаған болатын. Оның қарсыластары елге белгісіз үш кандидат – Робахон Махмудова, Ұлықбек Иноятов, Абдушукур Хамзаев бес пайыздан аз дауыс жинаған. Мирзиеев 2022 жылдың маусымында конституциялық түзетулерді референдум арқылы қабылдауды ұсынған. Референдум 30 сәуірде өтті. Ресми мәлімет бойынша, дауыс беруге қатысқандардың 90,2 пайызы негізгі Заңды өзгертуді қолдап, 9,35 пайызы қарсы дауыс берген. Конституцияға өзгерістер мен толықтырулардың енгізіліп президенттік өкілеттілік бес жылдан жеті жылға дейін ұзартылды, және қазіргі президент тағы екі рет қайта сайланып, 2037 жылға дейін өзбек елін басқара алады.
Байланысты жаналықтар
MalimBlocks
