«Құлау қаупі төніп тұр»: Прокуратура Алматы облысындағы шахтаның жұмысын тоқтатты
Кеген ауданындағы «Тұйық» қорғасын кен орнына тексеріс жүргізілді.
Алматы облысының прокуратурасы Кеген ауданындағы «Тұйық» қорғасын кен орнының ұңғымада тау-кен жұмыстарын жүргізу кезінде өнеркәсіптік қауіпсіздік нормаларын бұзу дерегін анықтады.
Тексеру барысында шахта бекіністерінің деформациясы мен зақымдануын, шатыр мен борттар бойынша тау массасының бөліктерінің қатып қалуы, сондай-ақ жобалау құжаттамасынан ауытқу және бекіту материалының паспорттарының және өзге де орындаушылық құжаттаманың жоқтығы анықталған.
«Бұл заң бұзушылық 25 кеншінің өмірі мен денсаулығына және шахтаға құлау қаупі төніп тұр. Осыған байланысты прокуратураның үйлестіруімен Өнеркәсіптік қауіпсіздік департаментімен жер қойнауын пайдаланушыға қатысты ӘҚБтК-нің 298-бабымен (жұмыстарды қауіпсіз жүргізу жөніндегі қағидаларды бұзу) әкімшілік іс қозғалып, анықталған заң бұзушылықты жою туралы нұсқама берілген», - делінген хабарламада.
Сонымен қатар, МАЭС шешімімен шахтаның қызметі анықталған заң бұзушылық реттелгенге дейін тоқтатылды.
Фото: Ашық дереккөзден
