Forbes әлемдегі байлар тізімін жасады. Биыл Динара мен Тимур Құлыбаевтың байлығы 1 млрд долларға өскен. Тізімге енген өзге қазақстандық байлар:
Владимир Ким — байлығы 2021 жылғы 4,6 миллиардтан биыл 5 миллиард долларға өскен.
Тимур Құлыбаев — 3,8 млрд доллар. 2021 жылы 2,8 млрд долларлық қорымен ең бай адамдар тізімінде болған еді. Динара Құлыбаева да дәл солай, биыл — 3,8 млрд доллар, былтыр 2,8 млрд.
Болат Өтемұратовтың байлығы биыл 3,4 миллиардтан 2,8 млрд долларға азайған.
Вячеслав Ким — 2021 жылғы 3,3 миллиардтан 2 млрд долларға кеміген.
Ал әлемдегі ең бай адамдар тізімінде Tesla және SpaceX компанияларының негізін қалаушысы Илон Маск көш бастап тұр. Оның байлығы биыл 68 млрд долларға өсіп, 219 млрд долларға жетіп отыр. Ал осыдан екі жыл бұрынғы рейтингіде Маск тек 31-орында тұрған болатын.
