Қырғызстан тарапы Қазақстанды ЕАЭО талаптарын сақтамады деп айыптап жатыр. Бұл туралы Sputnik-Қырғызстан сайты жазды.
Қазақстанның экономикалық одақ қағидаларын орындамай отырғаны жайлы Қырғызстан экономика министрлігі хабарлаған. Олардың айтуынша, көлеңкелі саудамен күресті желеу етіп, Қазақстан тарапы Қырғызстанның экспортына тосқауыл қойып, жөнсіз тексерістер жүргізіп, өткізбей тастайды. Бұл ЕАЭО елдері арасында сәуірде ғана айтылған әлеуметтік маңызы бар тауарлар мен азық-түлікті еркін өткізу туралы келісіміне сәйкес келмейді.
Осыған орай екі тарап арнайы кездесу де өткізген. Қазақстан тарапы кінәсін мойындап та қойыпты.
«Кездесу барысында Қазақстан тарапы кептелістің туындауына кінәлі екенін мойындады, сондай-ақ, жеті өткізу бекетінің бесеуін жабу туралы шешімді біржақты қабылдады. (...) Тараптар өкілдерінің қатысуымен өткізу пунктіндегі кездесуінің нәтижелері көрсеткендей, Қырғызстан жақтан көліктердің өтуі үш есе жылдам. Қазақстандық тарап көлеңкелі саудаға қарсы әрекет ету деген желеумен қырғыз экспортын, оның ішінде ауылшаруашылық өнімдерін әдейі бөгеп отыр»", - дейді ведомство хабарламасында.
Қырғыз жүргізушілерінің айтуынша, олардың жүктері Қазақстан шекарасынан өте алмай 3-4 күн тұрып қалады.
Министрліктің мәліметіне қарағанда, ақпан айында Қазақстан тарапы Қырғызстан тауарларының 90 пайызы құжаттық талаптарға сай келмейтінін айтқан. Қырғызстан экономика министрлігі әр жағдайды талдап, егжей-тегжейлі түсіндіруін талап еткенмен, Қазақстан тарапы әлі күнге бір де бір ақпарат бермеген.
Бұл ғана емес, екі ел арасындағы сауда қарым-қатынасы бойынша статистиканың екі мемлекеттің көрсеткішінде екі түрлі екенін, бұл ретте Қазақстанның көрсеткіштері қате екеніне сенімді.
Қазір екі ел арасындағы шекарада бірнеше шақырымға созылған кептеліс орын алған. Қырғыз тарапында жүздеп саналатын көлік кезек күтіп, бері өте алмай тұр.
Байланысты жаналықтар
MalimBlocks
