Ресей министрі қырғыз тіліне қарсылық көрсетті
Ресейдің сыртқы істер министрі: «достарымызға қырғыз тілін міндеттеу демократияға сай еместігін» ескерткенбіз.
Мәскеудегі коммерциялық емес ұйым жетекшілерімен кездесуінде «Қазір ТМД кеңістігінде күрделі жағдайлар болып жатыр». Мысалы «Қырғызстанда тіл туралы заң қабылданды. Бұл идея пайда болған сәтте-ақ біз қырғыз достарымызға «қырғыз тілін жаппай міндеттеу – демократияға сай еместігін» ескерткенбіз. Мемлекеттік қызмет санатына мұғалімдер мен мемлекеттік медициналық мекемелерде жұмыс істейтін дәрігерлер де кірген. Жұмысты жалғастырамыз. Қырғыз конституциясында орыс тілі ұлт аралық қатынас тілі екені бірнеше рет ескертілсе де басқа жаққа тартып отыр, – деді Ресейдің сыртқы істер министрі Сергей Лавров.
Лавровтың айтып отырғаны 17 шілдеде Қырғызстан президенті Садыр Жапаров «Қырғызстанның мемлекеттік тілі туралы» заңға қол қойғаны. Заңда мемлекеттік және жергілікті өзін-өзі басқару органдарында, меншік түріне қарамастан барлық кәсіпорын мен мекемеде қырғыз тілін қолдану міндетті саналады. Мемлекеттік қызметкерлер, депутаттар, ұлттық банк қызметкерлері, күш құрылымдары, сот, прокуратура, адвокаттар, нотариустар, оқу орындарының қызметкерлері, медицина қызметкерлері мемлекеттік тіл – қырғыз тілін білуге және қызмет міндетін орындау кезінде пайдалануға тиіс делінген. Бірақ заңда орыс тілі Қырғызстанда ресми тіл ретінде қолданылатыны да жазылған.
Байланысты жаналықтар
MalimBlocks
Борис Джонсон Дональд Трампқа Украина мен Ресейді татуластыру туралы ұсыныс айтты
Ұлыбританияның экс-премьер-министрі және Украинаға әскери көмек көрсетуде белсенді қолдаушы Борис Джонсон британдық "Daily Mail" басылымына жазған бағанында бірқатар жайттарды алға тартты. Мақалада ол Дональд Трамп қайта сайланған жағдайда Украинаны құтқара алатынына сенім білдірген.
