Сейсмология институтына бөлінетін қаржы көлемі артады — министр
Ғылым және жоғары білім министрі Саясат Нұрбек сейсмология институтына бөлінетін қаржы көлемін артатынын айтады.
![](/images/article-img/1600/20417-1705996681-m.jpg)
-Сейсмология институты қазір төтенше жағдай министрлігіне қарайды. Саланың әлеуетін көтеруге және инфрақұрылымды құралдармен жабдықтау үшін былтырдан бастап осы институтқа арнайы грант бердік. Биыл 4-5 миллиард теңге көлемінде жаңа грант береміз. Сейсмология ғылымын көтеруіміз керек. Жаңа стандарттарға ауысуымыз керек. Қаржыландыру былтыр басталды, биыл жалғасады,-дейді Саясат Нұрбек.
Ол сондай-ақ жер сілкінісінен ҚазҰУ жатақханасының қабырғасы жарылғанына қатысты былай деді.
-Желіде Әл-Фараби атындағы ҚазҰУ-дың №6 және №8 жатақханасында қаза болғандар мен қирандылар бар деген жалған ақпарат тарады. Бұл шындыққа жанаспайды. Министрлік қызметкерлерін тексеруге жібердік, көзіміз жеткен соң хабарлама бердік. Қабырғалар кішкене ғана жарылған. Жөндеу жүргізіп, сейсмикалық жағынан күшейтеміз,- деді ғылым және жоғары білім министрі Саясат Нұрбек.
Байланысты жаналықтар
MalimBlocks
![](/images/article-img/600/23673-1722415723.jpg)