Қарағанды облысы Абай қаласында бір топ бала соққыға жыққан 20 жастағы Әлішер өз-өзіне қол салған. Марқұмның жақындарының сөзінше, қыркүйектің 11-і кешке Әлішер достарымен серуендеп жүріп басқа топтағы жігітпен сөзге келіп, артынша бәрі тарап кеткен.
«Алайда бұл әлгі баланың қалған сегіз досына аздық еткен. Олар Әлішерді қуып жетіп, топ болып аяусыз соққы астына алған. Ал Әлішердің достары, егер солай деуге келсе, қорыққаннан қашып кетіпті. Әлішер болса үйге келіп, басына келгенді көтере алмай өз-өзіне қол салды. Полицияға арыз жаздық. Мұны жасаған жауыздардың жазасын алғанын қалаймыз. Сол күні Әлішердің жанында болғандар оны қалай ұрып, мазақ еткендерін түгел айтып берді. Бірақ қазір қайта қорқып, айтқан сөздерінен бас тартып отыр. Кішігірім қалалардың шындығы, жай өмірі осы», - дейді марқұмның туысы.
«Аталған факті бойынша оқиға болған күні ҚР Қылмыстық Кодексінің 105-бабы, 1-тармағына сәйкес қылмыстық іс қозғалды. Қазіргі уақытта қылмыстық іс бойынша тиісті сараптамалар тағайындалып, тергеу амалдары жүргізілуде. Сараптама қорытындысына сәйкес нақты процессуалдық шешім қабылданатын болады», - деді Қарағанды облыстық полиция департаментінің баспасөз қызметі.
Байланысты жаналықтар
MalimBlocks
